Este pasado venres día 20 de setembro, un total de 55 persoas usuarias e traballadoras da Asociación LAR Pro Saúde Mental participaron no Programa “+ Convivencia / Ponte a Lecer”, subvencionado pola Deputación de Pontevedra.
Para comezar, asistiron a unha visita guiada ó Pazo de Lourizán e ao Xardín Botánico de Lourizán, situado nunha ladeira aberta á ría de Pontevedra e o cal foi creado no ano 1949 baixo a denominación de “Arboreto”, cun obxectivo de investigación e experimentación, e cuio exemplar máis antigo do xardín ten algo máis de 200 anos e corresponde a un carballo, de orixe natural, entre outros exemplares que teñen polo menos 120 anos de idade. Os compoñentes destacados do Xardín Botánico son o pazo, o invernadoiro e os xardíns construidos por Montero Ríos entre finais do século XIX e principios do XX.
Por outro lado, a segunda visita realizada nesta xornada foi á Granxa de Briz, tamén coñecida como Finca de Briz ou Parque dos Sentidos. Este parque está situado no concello de Marín e conta cunha zona de aventura para os máis cativos, unha lagoa natural e outra artificial, e infinidade de árbores, especies autóctonas e viñas. A ciencia non se olvida neste máxico lugar, e conta tamén cun “Tornillo de Arquímedes”, nada máis entrar co cal os usuarios poideron comprobar a súa utilidade.
Despois das visitas e dos paseos, poidemos disfrutar dun xantar máis que merecido nun dos locais con maior reputación da parroquia de Cantodearea, no municipio de Marín, cun ambiente acolledor e unha sobremesa moi animada.
Queremos agradecer novamente á Deputación de Pontevedra, pola súa axuda e atención a nosa Entidade e labor, así como polos agasallos entregados ás persoas participantes. ¡Foi unha xornada moi divertida e enriquecedora!
